تحب ولا تكره هاذاكه ولدك اللي يكور في الشارع
هاذاكه ولدك اللي سيادتك فرحان بيه و باش يوليلك راجل
هاذاكه اللي قاعد يتعلم في الكلام الزايد.. والعقل الناقص
ولدك اللي ماذابيك يولي كوارجي معروف
و يحل قهوة تتلهالوبيها انت شخصيا
ويولي يحترف الانحراف
و يخرج لبرة يجيبلك الدبش سيني
هاذاكه ولدك اللي باش يطلع سطل
و اتدبرلو خدمة في الادارة اللي تخدم فيها
ولا خدمة مالجماعة اللي تسكر معاهم كل ليلة
تحب ولا تكره هاذيكة بنتك
المصون
تعطي فيها في مصروفها باش تشرب قهوة مع زملائها
بالطبيعة انت ربيتها
كيف كنت تروح بالعو للدار و تحطلها قناة عربية للاغاني المصورة و تقللها اشطح يعيش بنتي لبابا
الحاصل برافو عليك يا فلان
تعجبني وطنيتك كيف تبدا تشجع في الفريق الوطني
Aucun commentaire:
Enregistrer un commentaire