الناس الكل يكتبو عاد قلت برا نكتب حتى انا
ساعة انا نكره اللغة العربية أولا خاطر عندي معاها ذكريات خايبة برشاء من ايام المكتب والمعهد
و ثانيا خاطر لوحة المفاتيح اللي عندي مافيهاش عربي
اش علينا
سارقوزي جا و مشى
مرحبا بيه و بسلامة
الحق انا كنت نخمم نمشي نرحب بيه مع جملة المرحبين في لافيني
موش على حاجة
حبيت نشوف روبة مرتو
وهرة و الدجاج يكح بالرجولية
على الأقل خير مالدجينات الفاضلة من سولد عمناول المحزوقة على أكداس شحم
لاعلينا
أنا بشر لا يهمني لا في سياسة لا في كورة
أما نحس في روحي فرحان بزيارة سي سارقو
برشاء أوراق اتصححت
انشالله ترجع بالمنفعة للتوانسة الكل
و حتى لو كان موش لكل
نشالله تنفع ثلة برك يكفي
و كيما قال صاحبي هاك العام الله يرزيكم في التلفزة